⚠️ قطع الما والضو من طرف المكري: راه ماشي قانوني

كاين واحد المشكل كيتعاود بزاف فالكرا، وهو أن المكري كيقطع الما ولا الضو على المكتري بحجة أن

العدادات والاشتراك باسمو، وكيستعمل هاد الطريقة باش يضغط على المكتري باش يخرج من الدار بلا حكم قضائي.

هاد السلوك راه ماشي قانوني، وكيعتبر تعدّي واضح على حق المكتري.

🤔 علاش قطع الما والضو راه خطأ؟

حيت:

• الما والضو أساسيات ديال السكن وما يمكنش تعيش بلا بهم.

• ملي كتكون الكرا مازال قائمة، المكري ما عندوش الحق يحرم المكتري من الانتفاع العادي بالدار.

• حتى إلا كان العداد باسم المكري، ما كيعطيهش الحق يقطع الخدمة.

ببساطة:

👉 الكرا ما كتساليش إلا بحكم قضائي أو اتفاق قانوني، وماشي بالضغط ولا بالتهديد.

🛠️ شنو خاص يدير المكتري فهاد الحالة؟

1️⃣ أول خطوة: معاينة من طرف مفوض قضائي

المكتري خاصو:

• يمشي عند مفوض قضائي

• ويطلب منو يدير معاينة تثبت:

  • ما كاين لا ما لا ضو فالدار

  • الدار مأهولة وفيها سكن فعلي

هاد المعاينة مهمة بزاف، حيت كتكون حجة قوية قدّام المحكمة.

2️⃣ دعوى استعجالية

من بعد المعاينة:

• المكتري كيرفع دعوى استعجالية

• وكيطلب فيها:

  • يرجع الما والضو فورًا

  • حيث الضرر واقع ومستمر

  • والمقال تتكون شركة الماء والكهرباء مدخلة في الدعوى

القاضي الاستعجالي كيتدخل فهاد الحالات بسرعة حيت فيها استعجال وخطر على السكن.

3️⃣ إلا المكري ما بغاش ينفذ

إلا صدر حكم أو أمر استعجالي،

والمكري بقى رافض يرجّع الما والضو:

⚖️ المحكمة تعتبر:

• هاد الامتناع

  ➡️ إذن قضائي للمكتري

  باش:

• يدخل الما والضو

• ويربط العدادات باسمو وعلى حسابو

والمكري ما يبقاش عندو حق يعارض.